गाणी ऐकता ऐकता ऐकता विडंबन करणे पुष्कळ जणांना साधते पण सुहास फणसे यांची गीते ही विडंबने नसून स्वतंत्र गीते आहेत. या गीतसंग्रहात आपल्याला बहुरंगी गीते गायला मिळतील. प्रसिद्ध गायकाच्या कार्यक्रमाला गेल्यावर बहुतेक श्रोते मनातल्या मनात गात असतात, हे त्यांच्या ओठांच्या हालचालीवरून लक्षात येते. अनवधानाने काही श्रोत्यांच्या मुखातून आवाज शेजारच्या श्रोत्यांना ऐकू येऊ लागतो. थोडक्यात काय तर आपणा सर्वांना स्वत: गाण्यात खूप मजा येते. म्हणूनच गाणी ऐकता ऐकता निर्माण झालेली सुहास फणसे यांची गीते वाचली नव्हे, तर गायली जावीत असा त्यांचा आग्रह असतो. गीतांना चाली लावणे सर्वांनाच जमते, असे नाही, हे लक्षात घेऊन चाल सुचविण्यासाठी त्यांनी तयार केलेले व्हिडिओज युट्युबवर उपलब्ध आहेत
त्यांचा ’फणसाचे गरे’ हा कथा संग्रह नुकताच पोथी डॉट कॉम वर ई-प्रकाशित झालेला आहे. ’उचललं पेन आणि लावलं कागदाला’ हा लेखसंग्रहही ई-प्रकाशनाच्या मार्गावर आहे.