தரணி புகழ் தஞ்சை மண்ணில் புராணச் சிறப்பும், ஆலயச் சிறப்பும் கொண்ட குடந்தையை சொந்த ஊராகக் கொண்டு பிறந்து, வளர்ந்து, வாழ்பவள் நான்! சிறு வயதில் அம்மா நிலாச் சோறுடன் சேர்த்து அன்பு, பாசம், பண்பு இவற்றோடு கூடவே இசை, எழுத்து, ஓவியம், கோலம், தையல் இவற்றில் ஆர்வம் உண்டாக்கினார்.

பத்திரிகைகளில் எழுதுவது, என் எண்ணங்களை வெளிப்படுத்த ஒரு வாய்ப்பாக அமைந்தது. நாற்பத்தைந்து வருடங்களுக்கு முன் நான் எழுதிய ஒரு கட்டுரை பிரபல மகளிர் இதழில் பிரசுரமாக…என்னைவிட மகிழ்ச்சி அடைந்தவர்கள் என் தாயும், கணவரும்!

கணவரின் வேலை நிமித்தம் பல ஊர்களுக்குச் சென்றதன் பலன்… நிறைய அனுபவங்கள்… வாழ்க்கைப் பாடங்கள்... இவற்றைக் கதைகளாக எழுதினேன். நான் கண்டு மகிழ்ந்த பல நாடுகளைப் பற்றிய விஷயங்களும், சமையல் குறிப்புகளும், ஆலய தரிசனக் கட்டுரைகளும் வாசகர்களால் விரும்பப் பட்ட படைப்புகள் என்பதில் பெருமை கொள்கிறேன்.