Ali Isaa Daniyaal

Main ek chhote se gaaon, Jharkhand ke Dhanbad se talluq rakhta hoon. Wahan se nikal kar engineering ki raahon tak ka safar ek aise naujawan ki kahani hai jo apne khwaabon ko dil mein chhupaye, zindagi ke bojh tale khamosh lekin mazboot qadam se chalta raha. Ghar ka bada hone ke nate, har wo shauk, har wo khushi jo dil mein thi, aksar waqt se pehle hi qurbaan ho gayi.

Mera dil archaeologist banne ko chahta tha—zameen ke neeche dafan tareekh ko zinda karne wala. Ek behtareen Islamic shayar banne ka khwab tha—jo mohabbat-e-Rasool ﷺ, ishq-e-Ilahi, aur sachchai ki roshni ko alfaazon mein utar sake. Ek resolver banne ka junoon tha—jo musibat mein uljhe hue logon ke liye raah dhoondh sake. Shayad sab kuch ek saath na ho saka, lekin meri rooh ne kabhi un khwaabon se rishta nahi toda.

Kabhi-kabhi, jab tanhaaiyaan bolne lagti hain...